Þeir eru sjálfum sér verstir.

Ég hef nú eitt og annað að segja um vesalings Kanana. Ég og unnusta mín fórum til Arizona í byrjun þessa mánaðar og ætluðum að vera í 6 daga, en sökum leiðinda þar vestra, þá ákváðum við að flýta för okkar frá þessu leiðinda fylki sem aftur á móti hefur undurfagurt landslag. Við vorum mætt á flugvöllinn í Phoenix 2 stundum fyrir flugtak, en þegar við mættum í vegabréfsskoðunina, þá vorum við leidd afsíðis, við í barnaskap okkar héldum að það væri verið að hleypa okkur framfyrir, en svo var nú ekki. Með okkur í þessari svaðilsför var piltur á sömu leið og við, nema hann var Kani, en til að gera langa sögu stutta, þá vorum við tekin í heljarinnar rannsókn. Við vorum sett í einhvern klefa sem blés á okkur loft úr öllum áttum og farangur okkar og föt gegnumlýst og rannsökuð, ekki ósvipað og þeir félagar í sjónvarpsþáttunum C.S.I. væru mættir í öllu sínu veldi. Kanapilturinn sem var að verða of seinn í flugvélina sem við áttum einnig að fá að fara með, var tekinn framfyrir okkur og leyft að fara, því hann var að verða ofseinn í flugið, og þegar við gerðum athugasemd við því, þá ypptu þeir bara öxlum. En það var eins og við manninn mælt, um leið og hurðinni að flugvélinni var lokað, þá hættu þeir skyndilega allri leit og leyfðu okkur að fara. Þegar við báðum um ástæðu fyrir þessari meðferð, þá sögðu tollverðirnir að flugfélagið hafi beðið sérstaklega um að veita okkur þessa meðferð. Hvað það var sem þeir sáu svo ógnvænlegt í fari okkar, veit ég ekki svo gjörla, kannski það að unnusta mín er komin næstum 6 mánuði á leið eða leðurjakkinn sem ég klæddist, en kaldhæðnin í þessu öllu var sú að þegar við komum út, þá eru auglýsingaskilti út um allt sem halda því fram að Pheonix flugvöllur sé vinalegasti flugvöllur í Ameríku. Við erum ekki á sömu skoðun.

Þeir sem sáu myndina "Get Shorty", þá er atriði þar sem Kani kemur til Ameríku frá London og Tollvörður spyr hann hvort hann hafi "something to declare", Kaninn svaraði, "Yes, don´t go to England"!
Ég vil snúa þessu við og segja, "Yes, don´t go to USA"!!!!

Ráðuneyti skoðar mál konu

Athugasemdir

[Ófeigur Kristófersson (IP-tala skráð) 12.12.2007 kl. 15:55]

Þetta er reyndar farið að minna á tollskoðunina í Flugstöð Leifs Eiríkssonar við heimkomu.  Ca. 90-95% af komufarþegum er skipað að láta renna töskunum sínum í fjandans gegnumlýsingartækið.  Nær undantekningarlaust eru farþegar á heimleið teknir í ítarlega tollskoðun og spurðir spjörunum út úr hvaðan maður var að koma, hversu mikið maður hefur keypt erlendis, og hvort að rafmagnstæki sem maður er meðferðis séu keypt hérlendis eða erlendis.  Ef maður getur ekki svarað því eða er ekki með heimilisbókhaldið meðferðis svo maður geti sannað að tækið sé keypt á Íslandi, er tækið hreinlega tekið af manni og sektaður.  Þannig eru heiðvirðir borgarar gerðir að sakamönnum.

Farþegi sem er eins síns liðs á leið til Íslands, en er með tvær ferðatöskur, er umsvifalaust stimplaður smyglari í tollinum uppi í flugstöð og ítarleg tollskoðun gerð hjá viðkomandi.  

Erum við eitthvað betri en Kanarnir í þessum efnum???  Nei!  Samt sem áður flæðir dóp inn í landið, útlendingar í farbanni inn og út úr landinu komast auðveldlega í gegn af því að tollayfirvöld eru svo upptekin af því að gramsa í töskum hjá ósköp venjulegu fólki.  Áherslurnar eru svo vitlausar hjá þeim þarna í hliðinu uppi á velli.

Hvað með þvaleggsmálið á Selfossi, þar sem að yfirvöld þar þvinguðu þvagslöngu upp í kynfæri á konu þar í fangaklefa.  Ekki fékk hún lögfræðing eða ekki vildi Ríkissaksóknari taka kæru hennar til greina.  Þó var um mannréttindabrot að ræða á henni þar sem að friðhelgi og sjálfákvörðunarréttur einstaklings er fótum troðin.

Við hér á landi erum bara ekkert betri hvað misbeitingu valds varðar og ættum að hugsa okkur tvisar um áður en að við gagngrýnum aðrar þjóðir fyrir frelsissviptingar.........

[Skáholt, 13.12.2007 kl. 14:49]

Ég er algjörlega ósammála þér Ófeigur, Tollverðir okkar lands vinna verk sín hratt og örugglega, og hitt er, ef fólk getur ekið út úr dópað og drukkið og er síðan blessunarlega stöðvað af lögreglu, geti bara borið við að það vilji ekki láta draga úr sér blóð né pissa í glas! Slíkt er með öllu fáránlegt, þú kæmir yfir í mitt lið ef einhver svona vitleysingur keyrði niður vandamann eða ástvin þinn eftir jafnvel að hafa sloppið við að pissa í glas eða blóðtöku vegna þess að það hentaði viðkomandi. Hugsaðu þetta betur Ófeigur minn.

Með vinsemd og virðingu, Skáholt